Repwotei Kopwut. Kutta Aninis.

Ekkewe community non Washington ir mei pwan mefi osukosuken ei angangen kopwut me nifinifin aramas, ussun chok pwan ekkoch neeni. Federal Bureau of Investigation (FBI, Putain Ponis an Mwuunap) a apworousa pwe Washington mei pachenong nein ekkewe nimuw state mei kon watte repotun osukosuken kopwut non seni non ewe 2018. Ekkei sokkun osukosuk mei tongeni epwe watte an aweiresi aramas me fori ar repew mefi nuokus ika mefi pwe rese ketiw me non nenier kewe. Osukosuken kopwut me nifinifin aramas mei chok wor repwotun iteitan, iwe ammen weires an epwe tongeni unus ngeni kich pworousan ren inet fansoun mei kan fifis. Kich mei mochen pwe Washington epwe ew neeni epwe etiwa, apachanong meinisin me pwan meinisin repwe tumwun ar nonnomw.

Ewe Hate Crimes & Bias Incidents Hotline (Nampan Fonun Osukosuken Afeiengawen Eimwumwu) ikenaie en mei tongeni kopwe repwotei ian angangen kopwut me kutta aninisum. Ena nampa fan iten an epwe anisi chon mefi weires me trackini osukosuken tipisin kopwut me nifinifin aramas. Kich mei mochen:

• Anisi aramas ion ra fen piin kuna ika ra fen piin fis ngenir osukosuken kopwut me nifinifin aramas.
• Referini aramas ngeni ekkewe sokkun aninis mei tongeni epwe awora aninis ngenir. Esapw kich police, iwe sise pwa tongeni repwot ngeni police me nukun chok ika pwe ke ereni kich pwe mei okay.
• Esinei ngeni ewe anepwung non Washington, kepina, me chon pekin opochokuna onnuk, me ewe community ren ifan ukukun ewe osukosuk.

Ewe hotline esapw ew nain ren osokusuk ese-atapwanapwan. Ika pwe mei wor mettoch mei fis ren iei nge mei efeiengaw, kose mochen kokori 911.

Ew Uruwon Pworousen an Washington Kewe Onnukun Osukosuken Kopwut me Nifinifin Aramas

Ka piin fis ngonuk ika kuna an fis osukosuken kopwut ika nifinifin ngeni aramas?

Me fan nurun ewe onnukun Washinton, ewe osukosuken kopwut ew sokkun ekiekin ika angagnen afanga emon aramas ika fen atai met pisekir pwokiten ewe aramas ii chon ew neeni, mei sokono onuwen unuchan, an namanam, uruwon ian e feito me ia, ika ii emon mwan ika fefin, an pwarano ika ii emon mwan ika fefin, ika mei wor tufichingawen an ekiek, inisin, ika an weweiti mettoch.

• Ei mei pwan tongeni pachenong: Feiengawen inis ika afeiengawa emon aramas
• Atai pisek ika neeni
• Osukosuka emon aramas ika ew mwiichen aramas mei forata "nuokus mei weweoch" ngeni an epwe wor feiengawen inis ika an epwe ta pisek

Ew osukosuken nifinifin aramas , me fan nurun ewe onnukun Washington ina ew awewen memef ren opwuta ika kopwut ngeni emon aramas pwokiten ir chon ew neeni, mei sakono onuwen unucher, ar namanam, nukuw, neotor, ia re feito me ia, ir chon meni fonu ika nonnomwun ar tonong ngeni ei fonu, ir mwan ika fefin, ika mei wor tufichingawer non ekiek, inis, me memefin inisir, ar nounou ekkewe konak ika maan mei mirit me emwenir aramas, ika ir mei tou seni sounfiu non sufon ika ifan koukun ar nomw non sounfiu nge ese tori koukun ewe osukosuken kopwut. Ekkoch awewe ren osukosuken nififinin aramas mei pachenong, nge ese pwan kouk ngeni:

• Nounou sokkun kapas mei turunufasa emon anongonong won ika pwe ir chon ian, ir mwan ika fefin, ar namanam, ika pwan ekkoch sokkun pworousen nonnomwun emon.
• Forata ekkoch sokkun nios ika chunga mei turunufasa emon anongonong won ika pwe ir chon ian, ir mwan ika fefin, ar namanam, ika pwan ekkoch sokkun pworousen nonnomwun emon.
• Nipwopwomweni emon aramas mei wor tufichingawen inisin ika an emon eoreni ika met rekan fofori.