Other LanguagesOkwoj 12, 2025
SEATTLE —Washington emōj an jinoe juon būrokraaṃ ilo lain in jipañ ikkijen jorrāān in kalikjeklok ak iien jep ilo jilu bukwōn ko belaakin state eo. Ekar ñan Federal Bureau of Investigation (FBI, Doulul eo an Etaale Keej) meḷeḷe ko ikkijen jorrāān in kalikjeklok, Washington ej juon iaan state ko lalem loñ elap jorrāān in kalikjeklok ej ripoot ie jen 2018. Lain in jab-idiñ eo rejjab lelok ñan armej ro ilo Clark, King, im Spokane juon bar waween ripoot jorrāān in kalikjeklok ak iien jep.
Jorrāān in kalikjeklok ak iien jep ko aitok aer jelōt armej, baamle, im jukjukin pād ko, im kōmman bwe armej ren eñjake aer jab ruwainene ak koṇ ijo rej mour ie. Rijerbal ro ilo lain in jipañ eo renij jipañ ro rej kall bukōt jerbal in kakajur ko ilo jukjukin pād, ro rekar ñan ṃanit, lap an jipañ ro rej ioon jorrāān, im kōn melim jen armej eo ej kall, maroñ jipañ ilo ripoot iien ko ñan rijerbal ro an kien.
Lain in jipañ eo ej bellok ilo am kūrlok 1-855-225-1010. Jabdewōt eo ej konan ripoot juon Jorrāān in kalikjeklok ak iien jep ilo bukwōn ko jilu remaroñ bar lale atg.wa.gov/report-hate.
Legislature (Nitijeḷā) eaar kōmmane lain in jipañ eo ilo 2024 ke eaar bōk Senate Bill (Kien) 5427 , (Kajin Pālle) kōn jipañ ko an ruo bade. Bill eo ear aikuj juon būrokraaṃ in katak, lale jen Attorney General’s Office (Opiij eo an Attorney General), ñan lain in jipañ ilo jilu bukwōn ko ilo Washington state — ekoba juon ilo tureeaarin Washington. Bukwōn ko jilu rekar kelet pedped ion meḷeḷe in jorrāān in kalikjeklok ko ilo 2023 Washington Assocation of Sheriffs and Police Chiefs' Annual Crime Report (Ripoot in Jorrāān ko Aolep Yiiō) im meḷeḷe ko kake bukwōn eo.
Būrokraaṃ in katak eo enij jerbal iumwin juon yiiō im jimetan, innem lain in jipañ eo enij jerbal ilo belaakin state eo ilo Jānwōde 2027. Jerbal in kaljeklak im jōrrāān ko edik aer riboot, im edik meḷeḷe kake er. Jinoe jen Juḷae 1, 2027, Attorney General’s Office enij kōmmane juon ripoot in yiiō im kōmeḷeḷe kin melele ko rekar ae jen ripoot ko ilo lain in jipañ ñan kabna eo, state Legislature, im lobwilej ikkijen jorrāān in kalikjeklok ak iien jep.
"Kalikjeklok ejjab kametak wōt armej ro kajojo ak emaroñ bar kokkure aolepen jukjukin pād eo," Attorney General Nick Brown eaar ba. "Jeraaṃan ilo bukwōn kein jilu enij jipañ kōj ṃōñāñe belaakin state im eman lak meḷeḷe kin waween kabojrak jorrāān in kalikjeklok ak iien jep ibelaakin Washington.
Ro uwaan doulul in rojāñ eo im rijerbal ro ilo jukjukin pād rekar kwalok laajrak in naan kein ilal ilo an kar jinoe būrokraaṃ in katak eo:
"Jekar bōk juon buñtoñ aōrok ilo 2019 ilo ad ukōt kien in jorrāān in kalikjeklok ko ad — ak waloñlak eo ilo jorrāān in kalikjeklok ak iien jep ko rej kwalok ke ej lap wōt ñan kōmmane," Sen. Javier Valdez D-Seattle, eo eaar bōk eddoin nitijeḷā eo eaar kōmmane lain in jipañ eo. "Wūnin an wōr tokjen lain in jipañ in. Ejjab kōn kakien in — ej kake armej. Ej kake kōmman bwe aolep armej ren eñjake an wōr ej roñjake im kakajur er."
"Ilo juon iien eo juon kien lāj ej kalikjeklok nae jukjukin pād ko remojno, eloñ ilo King County rej mour ilo mijak im ilo aer jab jellā ta imaan," King County Council Chair Girmay Zahilay eaar ba. "Ej utiej buruo in kobalak ippāñ Attorney General’s Office ilo kōttōpar in im kamolol ñan ritōl ro ilo jukjukin pād im rekar lelok jo kunaer ñan jerbal in. Ilo ad ippān doon, jenij wonṃaanlok ilo ad jutak ippān doon nae kalikjeklok."
"Spokane ej karuwainene an jinoe Hate Crimes & Bias Incidents Hotline (Lain in Jorrāān in Kalikjeklok & Iien Jep) im ej utiej buruon ilo ad juon jen jilu iaan jikin teej ko jinoin," Spokane Mayor Lisa Brown eaar ba. "Office of Civil Rights, Equity, and Inclusion (Opiij in Jipel Jiṃwe, Kewa, im Ippān Doon) elakkar koba ippān kumi in jerbal eo an Attorney General ilo an eddeklok, im jej loe āinwot juon kein jerbal eo aōrok ñan an eman lak ripoot im kalikkar maroñ ilo jukjukin pād eo ad."
"Ej utiej buruo bwe Spokane county ej tōl ial eo ilo an pād ilo Hate Crimes Hotline būrokraaṃ, Spokane County Kamijna Amber Waldref eaar ba. "Ij kejatdikdik bwe kein jerbal in enij kōmman juon iaḷ kāāl ñan an ro rej mour ilo āne eo ripoot jorrāān in kalikjeklok ñan kalikkar koṇ im kōjbarok eo an aolep ilo jukjukin pād eo ad."
"Lain in jipañ eo ej juon buñtoñ aōrok ñan kalikkar bwe armej ren eñjake aer koṇ ilo aer ripoot jorrāān in kalikjeklok," Clark County Sheriff John Horch eaar ba. "Jekonan bwe aolep ilo jukjukin pād eo ad ren jellā ke ewōr tokjen ainikier, im ewōr jipañ."
"Jukjukin pād in Armej in Asia, Hawaii, im Āne ko Pajipiik emōj aer ioon jorrāān in kalikjeklok im ieen jep iumwin bukwi yiiō ko im eaar walok ilo kar ien eo eaar nañinmej lap ilo lalin," Thanh Tran, co-chair ilo HAPPEN Business Resource Group eaar ba. "Iien kein rej wonṃaanlok wōt ilo aer walok aolep raan, ilo jidik ñan ejelok meḷeḷe kake ilo nuuj. Ij kejatdikdik bwe lain in jipañ in enij kakajur ro rej ioon jorrāān kein ñan ripoot ta ko rej walok bwe jen maroñ kakajur jukjukin pād eo im emakūt lak ñan jiṃwe im ājmour."
"Lain in elukkun aōrok kōnke ej kiḷe ta ko jukjukin pād ko ad rekar jellā aolep iien: ke kalikjeklok ejjab walok wōt ilo meḷeḷe ko ilo naan in kien im aikuj bwe en wōr jorrāān ilo ānbwin ak ṃwieuk, Catalina Velasquez eaar ba, executive director ilo Washington Immigrant Solidarity Network. "Ñe baamle pejpetok ko ilo doulul eo ao rej ioon kakūtōtō im ej kōmman bwe ren mijak in jilkinlok ajiri ro nejier ñan jikuul, ñe armej ro emōj aer ukōt er jen eṃaan ñan kōrā ak kōrā ñan emaan rej ioon kakūtōtō ro rej jelōt er, ñe rūtto ro rej roñ naan ko āinwot 'rol ñan ia eo rekar itok jen e' — rej waween kametak ko rej jelōt jekjek im an maroñ koṇ ad pād ilo lalin. Lain in jipañ in ej kōmman jikin ñan an imenene kein pād ilo pepa, tōmak, im uwaak ilo waween lale eo ej ḷoore ṃanit, im jellā kōn-iien kauwōtata.
"Ij kōtmane ke lain in jipañ eo enij kotlak an ro rej ioon kalijeklok eñjake an wōr jipañ ilo jukjukin pād ko aer," Hershel Zellman, uwaan board eo an Human Rights Spokane. "Ij bar kōtmane bwe meḷeḷe ko rej ae jen lain in jipañ eo enij jerbal ñan kōmman būrokraaṃ in jelalokjen im waween jerbal ko an kien ñan kabojrak jorrāān eo ilo ien eo kein kajuon."
"Jej kejatdikdik ke lain in jipañ in enij lelok jipañ eo ej ḷoore ṃanit, kalaplok lōke ippān jukjukin pād eo an Muslim, im rojāñ eloñlok uwaan jukjukin pād ñan ripoot jiriḷọk ko," Sabrene Odeh, juon jiṃwin ñi ñan Council on American-Islamic Relations ilo Washington State. "Jej kejatdikdik ke enij lelok elaplok meḷeḷe in kalikjeklok nae Muslim ro, kōmman bwe en eman lak im jiṃwe an jukjukin pād ilo būrokraaṃ im kōttōpar ko ilju jeklaj, im lelok jipañ eo ej aōrok ippān ro uwaan jukjukin pād eo ad. Pinej jenkwan jukjukin pād in Muslim ilo an kōmman im jinoe lain in jipañ in ej kwalok kōn kōjbarok eo an Muslim ro ej pād iṃaan im elap an aōrok.
"Doulul eo ad aj juon jikin eo jukjukin pād eo jej jerbal ippān emaroñ lōke," Momodou Jobe eaar ba, būrokraaṃ director ilo Washington West African Center. "Ainikied ej itok jen ta eo jukjukun pād eo ad ej kwalok ñan kōj im ad bōk kunad ilo kōmmane lain in jipañ eo eaar boktok eloñ ainikien jukjukin pād ñan ruum eo."
"Elap an loñ ilo jukjukin pād eo an Jew rej dāpdāp ippān an laplok kalikjeklok nae Jew im aikuj elaplok kein jipañ im jerbal ko, Miri Cypers, regional director ilo Anti-Defamation League in the Pacific Northwest. "Jen an armej eo ediktata eñtaan kake iien jep ilo K-12 jikuul ñan an jikin jerbal ko an jukjukin pād eo ioon naan in kamijak, lain in jipañ eo enij lelok jipañ eo ej ḷoore ṃanit."
"Sikh jukjukin pād ej jutak pen kōn jiṃwe ñan aolep," Jasmit Singh eaar ba, executive director ilo Khalsa Gurmat Center. "Jej nebar an jutak lain in jipañ in āinwot juon jerbal eo aōrok ñan ro emōj aer ioon jorrāān in kalikjeklok bwe ren eñjake an wōr ej roñ ainikier im ñan an wōr ej jerbal e iien kein. Lain in jipañ in ej kakajur jukjukin pād ko im kwalok ke ejelok jikin kalikjeklok ilo Washington state."
Ñan elaplok meḷeḷe kake Washington jorrāān in kalikjeklok ak iien jep lain in jipañ eo, lale atg.wa.gov/report-hate.
Meḷeḷe ko
Kakien eo an Washington ej kwalok ke jerbal in kaljeklak ej juon bwod, jōrrāān ñan bwidej ak mweiuk ak naan in kamijak ko rej walok jen wōt waween kalimjok kin ia eo juon armej ej itok jen e, kolar eo an, kabuñ, ia eo baamle eo an rej itok jen e, ñe emaan ak kora, waween an kwalok e māke, ak nañinmej.
Iien jep ko rej waween kalikjeklok ko rejjab kōmman jorrāān ko rellap, im ejelok ñitbwil, naan in kamijak, ak kokkure ṃweiuk. Ilo an iien jep ko jab maroñ jaaj ñan jorrāān, rej aōrok ñan ripoot.
-30-
Attorney General eo ilo Washington ej jerbal ippān armej im state eo ilo Washington. Ilo jikin lale kakien eo elaptata ilo state eo, Attorney General's Office ej lelok jimwe ko ilo kein ñan aolep state agency, board, im kamijen ilo Washington. Kobalak, Opiij eo ej jerbal ippān armej ilo an lelok kōjbarok, jimwe, im kakien ko kin kōjbarok mejatoto. Opiij eo ej bar kabojrak jerbal ko rejjab jimwe nae rutto, bwod in jerbal ko an Medicaid, im ej lale keej ko ikijen kakure enbwin ilo 38 jen 39 bukwōn ko ilo Washington. Loelak www.atg.wa.gov ñan katak elaplok.
Rijerbal in Media Eo ñan Tobar e:
Email: press@atg.wa.gov
Talboon: (360) 753-2727
Ro ñan tobar er: Jiped ijin (Kajin Pālle)
Kein Jipañ kin Media & Attorney General’s Office Kajjitōk ko Ekkūt Kajjitōk (FAQ)