Other Languagesការប្រើប្រាស់ព័ត៌មានលិខិតថ្កោលទោសនៅក្នុងការទទួលឲ្យចូលបម្រើការងារ
នៅក្នុងឆ្នាំ2018 សភាធម្មនុញ្ញបានអនុម័ត Washington Fair Chance Act (RCW, ច្បាប់ស្តីពីឱកាសស្មើភាពគ្នានៅរដ្ឋវ៉ាស៊ីនតោន) ជំពូក 49.94 ដើម្បីការពារអ្នកដាក់ពាក្យសុំការងារដែលមានលិខិតថ្កោលទោស ដើម្បីឲ្យពួកគេ
អាចធ្វើការប្រកួតប្រជែងដោយយុត្តិធម៌សម្រាប់ការងារដែលពួកគេមានលក្ខណៈសម្បត្តិគ្រប់គ្រាន់ទទួលបាន។ ដើម្បីសម្រេចគោលដៅនេះ ច្បាប់មានចែងនូវលក្ខខណ្ឌដូចខាងក្រោម៖
ការផ្សព្វផ្សាយដំណឹងអំពីការងារ
និយោជកដែលមានធានារ៉ាប់រង អាចនឹងមិនធ្វើការផ្សព្វផ្សាយដំណឹងអំពីការបើកឱកាសការងារក្នុងរូបភាពមួយដែលទាត់ចោលអ្នកដែលមានលិខិតថ្កោលទោសចេញពីការដាក់ពាក្យសុំការងារទេ។ ការផ្សព្វផ្សាយដំណឹងដែលប្រកាសថា "បដិសេធឧក្រិដ្ឋជន" "បដិសេធប្រវត្តិធ្លាប់ប្រព្រឹត្តបទឧក្រិដ្ឋ" ឬបង្ហាញប្រាប់សារផ្សេងទៀតដែលប្រហាក់ប្រហែលនេះ ត្រូវបានហាមឃាត់។
ពាក្យសុំការងារ
និយោជកដែលមានធានារ៉ាប់រង អាចនឹងមិនបញ្ចូលនូវសំណួរណាមួយនៅក្នុងពាក្យសុំការងារ ដែលសាកសួរព័ត៌មានអំពីលិខិតថ្កោលទោសរបស់អ្នកដាក់ពាក្យសុំការងារទេ។
កិច្ចដំណើរការទទួលឲ្យចូលបម្រើការងារ
និយោជកដែលមានធានារ៉ាប់រង អាចនឹងមិនអនុវត្តសកម្មភាពណាមួយដូចខាងក្រោម រហូតក្រោយពេលនិយោជកធ្វើការសម្រេចជាលើកដំបូងថា អ្នកដាក់ពាក្យសុំគឺមានលក្ខណៈសម្បត្តិគ្រប់គ្រាន់ទទួលបានមុខតំណែងនេះ៖
- សួរសំណួរដោយផ្ទាល់មាត់ ឬជាលាយលក្ខណ៍អក្សរ អំពីលិខិតថ្កោលទោសរបស់អ្នកដាក់ពាក្យសុំ
- ស្នើសុំព័ត៌មានតាមរយៈការពិនិត្យមើលប្រវត្តិសាវតារប្រព្រឹត្តបទឧក្រិដ្ឋ
- ទទួលបានព័ត៌មានផ្សេងទៀតអំពីលិខិតថ្កោលទោសរបស់អ្នកដាក់ពាក្យសុំ
- អនុវត្តគោលនយោបាយឬការអនុវត្តនានាដែលទាត់ចោលអ្នកដាក់ពាក្យសុំការងារដែលមានលិខិតថ្កោលទោសដោយស្វ័យប្រវត្តិ ឬដោយផ្ទាល់ រួមទាំងការបដិសេធអ្នកដាក់ពាក្យសុំដោយសារមិនបានបង្ហាញប្រាប់លិខិតថ្កោលទោស។
និយោជកដែលមានធានារ៉ាប់រង
និយោជកដែលមានធានារ៉ាប់រង រួមមានទីភ្នាក់ងារសាធារណៈ បុគ្គលឯកជន អាជីវកម្មនិងក្រុមហ៊ុនសារជីវកម្ម អ្នកម៉ៅការ ទីភ្នាក់ងារបុគ្គលិកបណ្តោះអាសន្ន កម្មវិធីបណ្តុះបណ្តាលនិងហាត់ការ និងទីភ្នាក់ងារផ្តល់ការងារ ទីភ្នាក់ងារបញ្ចូនបន្ត និងទីភ្នាក់ងារការងារ។ ច្បាប់នេះអនុវត្តចំពោះនិយោជកទាំងអស់ ដោយមិនគិតពីចំនួនបុគ្គលិកដែលពួកគេទទួលឲ្យចូលបម្រើការងារទេ។
ច្បាប់នេះមិនអនុវត្តចំពោះនិយោជកដែលទទួលនរណាម្នាក់ឲ្យចូលបម្រើការងារ ដែលពួកគេនឹង ឬអាចនឹងមានការប្រើប្រាស់ដោយគ្មានការត្រួតពិនិត្យទៅលើកុមារ មនុស្សពេញវ័យងាយរងគ្រោះ ឬបុគ្គលងាយរងគ្រោះ, មន្ត្រីពង្រឹងការអនុវត្តច្បាប់នៅរដ្ឋវា៉ស៊ីនតោន ឬទីភ្នាក់ងារយុត្តិធម៌ព្រហ្មទណ្ឌ, ស្ថាប័នហិរញ្ញវត្ថុ អង្គភាពសន្តិសុខថ្នាក់ជាតិឬមានការចុះបញ្ជី ឬនិយោជកផ្សេងទៀតដែលច្បាប់បានអនុញ្ញាត ឬតម្រូវឲ្យសាកសួរនិងពិចារណាអំពីព័ត៌មានពាក់ព័ន្ធនឹងលិខិតថ្កោលទោសរបស់អ្នកដាក់ពាក្យសុំ សម្រាប់គោលបំណងការងារ, ឬនិយោជកដែលស្វែងរកអ្នកស្ម័គ្រចិត្តធ្វើការងារមិនមែនជាបុគ្គលិក។
កិច្ចដំណើរការបណ្តឹង
Civil Rights Division (ស្ថាប័នសិទ្ធិពលរដ្ឋ) ទទួលយកពាក្យបណ្តឹងដែលនិយោជកដែលមានធានារ៉ាប់រង ធ្លាប់បានប្រើប្រាស់ព័ត៌មានលិខិតថ្កោលទោសដើម្បីទាត់ចោលអ្នកដាក់ពាក្យសុំចេញពីឱកាសការងារ មុនពេលសម្រេចថាតើអ្នកដាក់ពាក្យសុំមានលក្ខណៈសម្បត្តិគ្រប់គ្រាន់ទទួលបានការងារនេះដែរឬអត់។ អ្នកអាចនឹងទាក់ទងមកយើង តាមរយៈ fairchancejobs@atg.wa.gov ឬដោយផ្តល់សារនៅលើខ្សែទូរសព្ទឥតគិតថ្លៃរបស់យើងតាមរយៈលេខ (833) 660-4877។ អ្នកក៏អាចប្រគល់ពាក្យបណ្តឹងដោយប្រើប្រាស់ទម្រង់បែបបទតាមអនឡាញ របស់យើងផងដែរ ហើយបុគ្គលិកម្នាក់នឹងទាក់ទងទៅអ្នក។ មនុស្សគ្រប់គ្នាអាចនឹងដាក់ពាក្យបណ្តឹងអំពីការផ្សព្វផ្សាយឬការអនុវត្តទទួលចូលបម្រើការងារដែលមិនត្រឹមត្រូវតាមច្បាប់ មិនមែនតែអ្នកដាក់ពាក្យសុំការងារដែលរងផលប៉ះពាល់ដោយសកម្មភាពទាំងនោះទេ។