Other LanguagesElaplọk kain jibāñ ej bellọk ilo kajin in.
Pedped ion jote jāān eo kajojo armej im baamle ko rej kōmman ilo juon yiiō, Armej in Washington ro reṃaroñ kōkar ñan an ejelok wonāān ak diklok wonāān bōk jerbal in ājmour ilo aujpitōl ko state eo. Kōjbarok kein rej jerbal ñan wonāān aujpitōl ko kwoj māke-kōllā-ki, ekoba co-pay im deductible ko. Kain jipañ in jāān in ñan wonāān pād ilo aujpitōl ej nae etan "jipañ kōn wonāān jerbal in ājmour".
Ilo 2022, aikuj ko ikkijen jāān ko rej deḷoñ jen jikin jerbal ñan bōk jipañ kōn wonāān jerbal in ājmour eaar lap an oktak, ilo an tōl ñan an loñlok kōn taujin Armej in Washington jinoe kōkar ñan wonāān pād ilo aujpitōl ilo ejelok wonāān ak diklok wonāān iuṃwin kakien kāal eo. Ñan lale ñe kwoj kōkar ñan jipañ kōn wonāān jerbal in ājmour, loelak Washington State Department of Health (Rā eo an Ājmour) webjait (Kajin Pālle) ñan ekatak elaplok kake aikuj ko ikkijen an jāān deḷoñ jen jikin jerbal.
Ñan bōk jipañ kōn wonāān jerbal in ājmour, kwoj aikuj kanne ippān aujpitōl eo. Kakien in jipañ rimojno ej karōk juon aikuj eo ediktata im aujpitōl ko rej aikuj ḷoore, ak aujpitōl ro rej ṃaroñ laplok aer ṃōṃool kōn kakien ko aer (lelok jipañ kōn wonāān jerbal in ājmour ñan rinañinmej ro elaplok jāān rej kōmmane ilo jikin jerbal, ñan waanjoñak). Ej eman aolep iien ñan ḷale ippān juon kaunjeḷor in jāān ilo aujpitōl ijo kwar bōk jerbal in ājmour ñan ekatak elapḷok.
Eḷañe kwoj ḷōmnak aujpitōl ejjab ḷoore kakien eo, bael juon abṇōṇō ippān Attorney General eo ilo https://www.atg.wa.gov/file-complaint (Kajin Pālle). Elañe kwoj aikuj ukok ilo kōṇōṇō ak jeje, jouj kepāāke kōj ilo (360) 753-6200 im kajjitōk lain in kajin eo.
KAJITŌK KO EKKUT KAJITŌK
Ta in "charity care"?
Kakien eo an Washington ikijen charity care ej kwalok ke aikuj wōr jibāñ ko ikiijen jāān ilo ọjpitōl ej bellọk ñan ri nañinmej ro ñan jibāñ ir kin onean taktō ko nabōj-in-pajo. Ñan lukkun kōmelele ki, jej kōnnaanōk kake armij ro ewōr aer injuran, ejjab armij ro wōt ejelọk aer injuran. Elōñ armij ro rej ion e onean ko jān nabōj-in-pajo jokdoon ewōr aer injuran, im kakien eo kin charity care ej jibāñ armij ro.
Ewōr ke juōn yiiō eo ediiktata ej aikuj?
Jab. Ejelọk aikuj ikijen yiiō eo ediiktata ak elap. Aolep armij ro jān Washington rej māroñ in tōprak.
Kwōj ke aikuj in pād iumin Medicare ak Medicaid ñan kōjerbale charity care?
Jab, charity care ej jerbal wōt ñan armij ro jān Washington, jokdoon ñe ewōr aer injuran ko rej māke lak. Charity care ej bōk eddo in onean ko nabōj-in-pajo, jokdoon wāwein eo kwōj ion e kin injuran, pedped ion joñan jāān eo kwōj kōmmane māke lak iam.
Ij ke aikuj in jokwe ilo Amedka ñan aō kajeoñ ñan charity care?
Jab, aolep ri nañinmej ro remāroñ in kajeoñ jokdoon ia eo rej itōk jān e.
Ñe ij bōk charity care ej ke jelet am māroñ in tōprak ñan Social Security, Medicare ak Medicaid?
Ejjab. Charity care ej jerbal wōt ñan mōttan onean ko an ọjpitōl im kwōj kōllā onean — āinwōt bwe ko im kōllā ko jōt. Medicaid im Medicare enij bōk wōt eddo in onean eo aer, innem charity care enij jerbal ñan ta eo ej pād wōt ñan an ri nañinmej kōllā jān nabōj-in-pajo.
Medicaid im/ak Medicare ej ke kōllā onean aolep kain?
Ejjab. Emāroñ in wōr onean ko nabōj in pajo ej koba ippān lale ọjpitōl pedped ion ta eo ej bōk eddo. Ej bar jerbal ñan injuran ko rej māke lak.
Charity care ej ke jerbal wōt ñan lale ilo ọjpitōl? Ak etal ñan clinic ko?
Charity care ej jerbal ñan lale ko rej bōk wōt ilo ọjpitōl. Bōtaab, jōt ọjpitōl ko rej koba ippān clinic renij kōjerbale kakien eo kin charity care ie. Men eo eman tata ej ñan kajitōk aolep ien.
Ej ke bōk eddo in ien loe lak ER, ak pija ak jerbal ko jōt rej kōmman ilo ọjpitōl ko?
Charity care ej jerbal ñan lale ko rej bōk wōt ilo ọjpitōl. Ej koba ippān lale ilo ruum in ṃōjōnji ilo ọjpitōl. Ej bar koba ippān kakōlkōl, teej ak jerbal ko rej kōmman ilo ọjpitōl. Charity care emāroñ in jab bōk eddo in onean ko jān taktō ak jikin jerbal ko jōt jān ọjpitōl.
Charity care ej ke jerbal wōt ñan lale onean ko ilju jeklaj, ak ej ke bar jerbal ñan onean ko remootlak?
Lale rimojno ej jimor jerbal ñan bill ko ilju jeklaj im mōkta lak. Jokdoon joñan to in an bill ko pād, ak ñe emōj jilkinlak ñan jikin ain muri. Ñe kwoj maroñ tobrak, charity care emaroñ jerbal ñan bill in aujpitol eo am.
Ke ikar bōk jibāñ ọjpitōl, ekar wōr ruo onean ko rekar itōk ñan io — juōn jān ọjpitōl, im juōn jān taktō eo. Onean kein jimor rej ke māroñ in jerbal ñan jibāñ ikijen jāān iumin kakien eo an charity care?
Ọjpitōl ko wōt rej aikuj in kwalok charity care. Ejjab aikuj onean ko an taktō bwe ren māroñ in tōprak. Botaab, elōñ ọjpitōl ko rej aikuj an taktō ro rej jerbal ilo ọjpitōl ko aer bwe ren kautej kakien ko ikijen charity care. Lale ippān ọjpitōl eo am ñan lale ñe ej māroñ.
Ak ñe ewōr mweo imō, ak akkaun in jemlọk aō jerbal. Remāroñ in ke kōmman bwe in jab tōprak?
Men eo aurōk tata, ọjpitōl rejjab māroñ in ḷōmṇak kin an wōt māke jikim, ak joñan aurōk eo an, ñe kwōj lale am māroñ in tōprak ñan charity care, innem ñe ewōr māke mōm eban jelōt am tōprak ñan charity care. Ọjpitōl rej māroñ in ḷōmṇak kin jōt mweiuk ko ilo an lale ñe kwōj māroñ in tōprak, ak elap an utiej men ko im elōñ riwia im rej māroñ in tōprak kin joñan jāān eo rej kōmmane reban jenolọk pedped ion joñan mweiuk ko aer.
Charity care ej ke bōk eddo in nañinmej ko āinwōt Altzheimers?
Charity care ej jerbal ñan lale ko rej bōk wōt ilo ọjpitōl. Am maroñ in tōprak ejjab jān nañinmej ko rej pād ippām. Bōtaab, jōt ọjpitōl ko rej koba ippān clinic renij kōjerbale kakien eo kin charity care ie. Men eo eman tata ej ñan kajitōk aolep ien.
Ak ñe ewōr ajiri ro re rūtto, ak uwaan baamle eo jōt re rūtto rej jokwe ippa ilo ejja mweo wōt? Ewi wāwein ad māroñ in tōprak?
Charity care kien ko rej kwalok baamle āinwōt "juōn doulul in ruo ak elaplọk armij rej epāāke doon jān lotak, palele, ak kajiriri im rej jokwe ippān doon." Ej melelein joñan jāān kan an uwaan baamle eo im rej rūtto im jokwe ippān doon remāroñ in ḷōmṇak kake ilo juōn pepa in charity care. Komelele aolep ien kin jekjek eo kwōj pād ie kiō ñan ọjpitōl ilo pepa in charity care kinke ọjpitōl emāroñ in bōk jenolọk ko rej pedped ion jekjek ko kajojo armij ej ion e.
Ewi joñan aitok in an Washington aikuj an ọjpitōl jibāñ ikijen jāān?
Kakien eo an Washington mokta lak emōj an māroñ tōprak ilo 1989 eo, innem jibāñ in ej bellọk ñan jibāñ ri nañinmej in Washington ilo elaplọk jān jilñoul yiiō ko.