Other LanguagesMarami pang dulugan ang magagamit sa wikang ito.
Depende sa kung magkano ang kinikita ng mga indibidwal at pamilya, puwedeng maging kalipikado ang mga Washingtonian para sa libre o may diskuwentong pangangalaga sa mga ospital sa estado. Ang mga proteksiyong ito ay para sa mga gastusin sa ospital na binabayaran mula sa sariling bulsa, kasama na ang mga co-pay (pakikihati sa bayad) at deductible (ibinabawas). Ang ganitong uri ng tulong pinansiyal para sa mga bayarin sa ospital ay tinatawag na “pangkawanggawang pangangalaga.”
Noong 2022, ang mga kinakailangan sa kita para sa pangkawanggawang pangangalaga ay nagbago nang malaki, kung saan libo-libo pang Washingtonian ang naging karapat-dapat para sa libre o may diskuwentong pangangalaga sa ospital sa ilalim ng bagong batas. Upang makita kung kalipikado kayo para sa pangkawanggawang pangangalaga, bisitahin ang website ng Washington State Department of Health (Kagawaran ng Kalusugan ng Estado ng Washington) (English) upang malaman pa ang tungkol sa mga kinakailangan sa kita.
Upang makatanggap ng pangkawanggawang pangangalaga, kailangan ninyong mag-apply para dito sa ospital. Ang batas para sa pangkawanggawang pangangalaga ay nagtatakda ng minimum na kinakailangan na dapat sundin ng mga ospital, pero pinapayagan ang mga ospital na maging mas mapagbigay sa mga patakarang ito (na naggagawad ng pangkawanggawang pangangalaga sa mga pasyenteng may mas matataas na kita, halimbawa). Palaging mabuting ideya na i-check sa isang tagapayo sa pananalapi sa ospital kung saan kayo nakatanggap ng pangangalaga upang malaman pa ang tungkol dito.
Kung sa tingin ninyo ay hindi sumusunod sa batas ang inyong ospital, maghain ng reklamo sa Punong Abogado sa https://www.atg.wa.gov/file-complaint (English). Kung kailangan ninyo ng mga serbisyo ng interpretasyon o pagsasalin, makipag-ugnayan sa amin sa (360) 753-6200 at hilingin ang linya para sa wika.
Mga Madalas Itanong
Ano ang “charity care (mapagkawanggawang pangangalaga)”?
Ayon sa batas sa charity care ng Washington, kailangang maglaan ng mga ospital ng tulong pinansiyal para sa mga pasyenteng may mababang kita bilang pantulong sa kanilang mga medikal na gastusing binabayaran mula sa sariling bulsa. Bilang paglilinaw, kasali rito ang mga taong may insurance, hindi lang ang mga walang insurance. Maraming tao ang humaharap sa malalaking gastusing binabayaran mula sa sariling bulsa kahit na may insurance sila, at tinutulungan ng ating batas sa charity care ang mga indibiduwal na iyon.
May minimum na edad bang kailangan?
Wala. Walang kailangang minimum o maximum na edad para sa pagkuwalipika. Kuwalipikado ang lahat ng Washingtonian.
Kailangan bang kasali ka sa Medicare o Medicaid para magamit ang charity care?
Hindi, angkop para sa charity care ang lahat ng Washingtonian, may pampublikong medikal na insurance man sila, pribadong medikal na insurance, o walang insurance. Saklaw ng charity care ang iyong mga gastusing binabayaran mula sa sariling bulsa, ano pa man ang katayuan mo sa insurance, at batay lang sa antas ng iyong kita.
Kailangan bang mamamayan ako ng Estados Unidos para mag-apply sa charity care?
Hindi, maaaring mag-apply ang lahat ng pasyente para sa charity care ano pa man ang kanilang katayuan sa imigrasyon.
Kapag tumanggap ako ng charity care, maaapektuhan ba ang pagkuwalipika ko para sa Social Security, Medicare, o Medicaid?
Hindi. Gagamitin ang charity care para sa bahagi ng iyong singilin sa ospital na binabayaran mo — tulad ng mga deductible at copay. Sasaklawin pa rin ng Medicaid at Medicare ang bahaging dapat sagutin ng mga ito, at pagkatapos ay gagamitin ang charity care sa kung ano'ng matitira na kailangang bayaran ng pasyente mula sa sariling bulsa.
Hindi ba ang Medicaid at/o Medicare ang nagbabayad ng lahat?
Hindi naman. Maaaring may mga gastusing babayaran mula sa sariling bulsa na kaugnay ng anumang pangangalaga sa ospital depende sa kung ano'ng saklaw. Ganoon din ang sitwasyon sa pribadong insurance.
Para lang ba sa pangangalaga sa ospital ang charity care? Paano ang pagpapatingin sa mga klinika?
Ang charity care ay para sa medikal na pangangalagang natatanggap sa ospital. Gayunpaman, minsan, pinapalawak ng mga ospital na may kaugnay na mga klinika ang kanilang patakaran sa charity care hanggang sa mga klinikang iyon. Ang pinakamabuting gawin ay magtanong palagi.
Saklaw ba nito ang pagpapatingin sa ER, x-ray, o pagpapagamot na outpatient na ginagawa sa ospital?
Ang charity care ay para sa medikal na pangangalagang natatanggap sa ospital. Kasama na rito ang pangangalaga sa emergency room sa ospital. Kasama rin dito ang anupamang ibang pag-scan, pagpapasuri, o pagpapagamot na ginagawa sa ospital. Maaaring hindi saklawin ng charity care ang mga singilin mula sa mga doktor o iba pang provider na hindi nagtatrabaho sa ospital.
Para lang ba sa mga singilin sa hinaharap ang charity care, o puwede rin ito sa dati nang mga singilin?
Saklaw ng pangangalagang pangkawanggawa ang mga bill para sa pangangalaga sa hinaharap at sa nakaraan. Walang kaso kung gaano na katagal ang mga bill, o kung naipasa na ang mga ito sa tagapagkolekta. Kung kalipikado ka, puwedeng saklawin ng pangangalagang pangkawanggawa ang iyong bill sa ospital.
Noong inalagaan ako sa ospital, nakatanggap ako ng dalawang magkaibang bill — isa mula sa ospital, at isa mula sa doktor. Kuwalipikado ba ang parehong bill para sa tulong pinansiyal sa ilalim ng batas sa charity care?
Ang mga ospital lang ang inaatasang magbigay ng charity care. Hindi kinukuwalipika ng batas ang mga bill ng doktor. Gayunpaman, maraming ospital ang nag-aatas sa mga doktor na nagtatrabaho sa kanilang mga ospital na tuparin din ang kanilang mga patakaran sa charity care. Alamin sa iyong ospital kung ganoon ang ginagawa nito.
Paano kung may pag-aari akong bahay, o may mga account ako para sa pagreretiro. Madidiskuwalipika ba ako dahil sa mga ganitong uri ng ari-arian?
Ang pinakamahalaga, hindi maaaring isaalang-alang ng mga ospital ang pagmamay-ari mo sa iyong pangunahing tirahan, o ang halaga nito, kapag tinatasa ang pagkuwalipika para sa charity care, kaya walang epekto sa charity care ang pagmamay-ari ng personal na bahay. Maaaring isaalang-alang ng mga ospital ang ilang ari-arian sa pagtatasa ng pagkuwalipika, ngunit mataas ang mga threshold at ang karamihan ng consumer na may kuwalipikadong kita para sa charity care ay hindi maaaring hindi isali batay sa kanilang mga ari-arian.
Saklaw ba ng charity care ang pangangalaga para sa mga kondisyon tulad ng Alzheimer's?
Ang charity care ay para sa medikal na pangangalagang natatanggap sa ospital. Ang pagkuwalipika ay hindi tinutukoy batay sa mga partikular na medikal na kondisyon. Gayunpaman, minsan, pinapalawak ng mga ospital na may kaugnay na mga klinika ang kanilang patakaran sa charity care hanggang sa mga klinikang iyon. Ang pinakamabuting gawin ay magtanong palagi.
Paano kung mayroon akong mga anak na nasa hustong gulang, o iba pang miyembro ng pamilya na nasa hustong gulang na nakatira kasama ko sa iisang sambahayan? Paano inaalam ang pagkuwalipika namin?
Ayon sa mga regulasyon ng charity care, tinutukoy ang isang pamilya bilang “grupo ng dalawa o higit pang taong magkakaugnay sa pamamagitan ng pagsilang, pagpapakasal, o pag-ampon na magkakasamang naninirahan.” Ibig sabihin, ang mga kita ng mga miyembro ng pamilya na nasa hustong gulang na magkakasamang naninirahan ay maaaring isaalang-alang sa isang aplikasyon para sa charity care. Palaging tiyakin na ipapaliwanag mo ang iyong indibiduwal na sitwasyon sa ospital sa aplikasyon mo para sa charity care dahil maaaring gumawa ng mga eksepsiyon ang mga ospital batay sa mga indibiduwal na kalagayan.
Gaano katagal nang inaatasan ng Washington ang mga ospital na magbigay ng tulong pinansiyal?
Ang orihinal na lehislasyon sa charity care ng Washington ay ipinasa noong 1989, kaya mayroon nang ganitong tulong para sa mga pasyente ng Washington sa loob ng mahigit tatlong dekada.